• Foto: Dag Jenssen/Det Norske Teatret

  • Foto: Dag Jenssen/Det Norske Teatret

Scenekunst
6. – 6. trinn

Møt Det Norske Teatret
Fast produksjon for 6. trinn - Bli med på innsida av Det Norske Teatret, med dramaøvingar og omvising

Bli med på innsida av Det Norske Teatret, med dramaøvingar og omvising på huset!

Kva er eigentleg ein rekvisitt?

Korleis kan ein lage ein falsk nase?

Kvifor snakkar skodespelarane på nynorsk?

Og korleis kan dei lære seg så mykje tekst utanåt?

Dette er nokre av spørsmåla du får svar på i Møt Det Norske Teatret. Elevane får besøke nokre av dei ulike verkstadane og scenene på teateret, dei får sjå på kostyme, scenografi og rekvisittar. Dei får høyre historia til teateret, som i over 100 år har spelt teater på nynorsk og norske dialektar. I tillegg får elevane lære korleis ein skodespelar arbeider, og blir med på fysiske øvingar i t.d. innleving og fantasi, konsentrasjon og samarbeid.

Praktisk info:

I Møt Det Norske Teatret får elevane ein dramaverkstad og ei omvising rundt på huset. Klassen blir delt i to, og kvar gruppe får 45 minutt med omvising og 45 minutt med dramaverkstad. Opplegget tek totalt 90 minutt. Oppmøte er i foajeen på Det Norske Teatret i Kristian IVs gate 8, i Oslo sentrum. Kom 10 minutt før oppsett tid.

Dette er del 1 av opplegget Møt Det Norske Teatret, for 6. trinn i Den Kulturelle Skolesekken Oslo. Del 2 er framsyninga Keeperen og havet.


Produsent: Det Norske Teatret

Sjekklister for DKS besøk


> Tilbake til oversikt over programmet

  • Faglig relevans

    Norsk, samfunnsfag